快樂．順景

營業中

休息中

叫咗個所謂全日早餐，塊魚炸到又乾又硬，黑菘露炒蛋又多油又冇味。 個迷你菠蘿包又硬又唔好食，出面大把地方好食過佢。再加少少牛油粟米，一塊超細塊火腿再加條腸連嘢飲，咁就收$58。再加一個蛋撻 $9， 質素好一般，隔一條街嘅 幸運星 嘅蛋撻好過佢好多。順帶一提，廚房同樓面嘅溝通真係好有問題，搭枱嘅一家三口叫哂嘢落好哂單，跟住先至話呢様冇嗰様冇，就算有嘅嘢最後都係嚟錯咗。出面仲要排哂隊，我估大家都係因為 快樂餅店 個名而嚟，但根本就係名過於實。價錢貴，味道唔好，環境又擠迫，真係冇下次。