影片
更多
2019-06-10
92 瀏覽
今日同兩位閏蜜行完旺角，發現之前食燒鵝果間餐廳執左，變左呢間冰室，貪新鮮又走入去試下!田園咕嚕肉白飯好想食咕嚕肉於是叫左個黎食，咁好送飯既餸，識食一定加$10加個白飯撈飯食啦!最初都唔為意呢個咕嚕肉會點”田園”法，上檯就知道原來除左平時既菠蘿之外，仲有青瓜同新鮮蕃茄，呢個組合既咕嚕肉真係未試過，有D青瓜食下感覺真係幾清新!而主角咕嚕肉個皮係脆既，肉質爽口冇骨兼唔肥~係我心目中想要既咕嚕肉口感~酸酸甜甜好送飯!黑椒安格斯牛柳粒伴蜂蜜脆薯另一個餸叫左黑椒安格斯牛柳粒伴蜂蜜脆薯，真係好鍾意食甜甜既薯仔~呢味餸一上檯我超開心~因為薯仔既份量好多!而且金黃色好吸引~每粒切得大大粒，外面脆脆地入面粉粉的~食落口好有滿足感~而黑椒安格斯牛柳粒黑椒味重，但唔會好辣，牛柳粒煮得夠林唔韌，咬落去仲見到入面有少少粉嫩既色，而且仲保留好多肉汁!特餐-懷舊沙爹牛肉湯公仔麵配火腿炒滑蛋+瑞士香酥奶油多士呢個沙爹牛肉麵係我地好彩叫到最後一個~我地落完ORDER就冇哂喇~lucky~~沙爹牛肉麵一定要趁新鮮食，如果唔係放耐左就一d變林，呢度既沙爹牛肉份量都足夠，調味適中亦唔會好咸，撈落公仔麵一齊食冇得輸!火腿炒滑蛋既
田園咕嚕肉白飯
好想食咕嚕肉於是叫左個黎食，咁好送飯既餸，識食一定加$10加個白飯撈飯食啦!最初都唔為意呢個咕嚕肉會點”田園”法，上檯就知道原來除左平時既菠蘿之外，仲有青瓜同新鮮蕃茄，呢個組合既咕嚕肉真係未試過，有D青瓜食下感覺真係幾清新!而主角咕嚕肉個皮係脆既，肉質爽口冇骨兼唔肥~係我心目中想要既咕嚕肉口感~酸酸甜甜好送飯!
黑椒安格斯牛柳粒伴蜂蜜脆薯
另一個餸叫左黑椒安格斯牛柳粒伴蜂蜜脆薯，真係好鍾意食甜甜既薯仔~呢味餸一上檯我超開心~因為薯仔既份量好多!而且金黃色好吸引~每粒切得大大粒，外面脆脆地入面粉粉的~食落口好有滿足感~而黑椒安格斯牛柳粒黑椒味重，但唔會好辣，牛柳粒煮得夠林唔韌，咬落去仲見到入面有少少粉嫩既色，而且仲保留好多肉汁!
特餐-懷舊沙爹牛肉湯公仔麵配火腿炒滑蛋+瑞士香酥奶油多士
呢個沙爹牛肉麵係我地好彩叫到最後一個~我地落完ORDER就冇哂喇~lucky~~沙爹牛肉麵一定要趁新鮮食，如果唔係放耐左就一d變林，呢度既沙爹牛肉份量都足夠，調味適中亦唔會好咸，撈落公仔麵一齊食冇得輸!火腿炒滑蛋既滑蛋真係炒得好滑而已份量唔少，目測應該有2隻蛋，有蛋味又唔會炒得過稀，唔錯!另外瑞士香酥奶油多士就好特別，似丹麥千層酥既質地，本身牛油味已經好濃，再烘到香脆加埋d奶油食，邪惡得黎真係好好味!
除左特餐有野飲之外另外兩個餸係冇野飲既，所以我地單叫左兩杯凍飲，咁樣食法埋單每人都唔駛$100，晚餐黎講算抵食!
張貼
