栢檔極品海南雞飯 (已結業)

每次謙謙上跳繩班後都會又餓又累的，每次都近近地係荃灣食完飯先返屋企，今次都唔例外係荃新天地到食栢檔極品海南雞飯， 第一次來覺得地方簡潔光鮮，侍應服務態度好好解答我點菜的問題。✡️ 一人套餐內容包括，皇牌無味精靚湯、 極品海南雞雞油香飯、唐生菜和雪米糍，另加特飲咸檸七喜。套餐真係好方便又豐富，我地一人一set 就超滿足， 海南雞雞肉滑溜仲輕輕有一層啫喱， 點一點黑醬油和蔥蓉我已經可以ko 成碗油飯， 灼唐生菜加蠔油又係我地喜歡的蔬菜，食完飲一口咸檸七精神為之一振爽呀！✡️ 謙謙見到喇沙 已經唔會再諗其他菜式的， 所以叫左極品海南雞喇沙， 呢到喇沙份量好足， 有齊基本材料， 湯底香濃可口，唔會偏咸，反而椰香味濃， 粉底好正宗係油麵溝米粉， 謙謙轉眼食哂大讚好味