J.S. FOODIES (又一城)

營業中

休息中

早排經過見到好多人喺呢間餐廳出面排隊，先知原來佢係好出名，而且有我想試好耐嘅梳乎厘pancake，所以決定去排隊。我哋六點幾去到已經好多人排隊啦， 都等咗好耐不過係值得嘅。我哋叫咗一個明太子醬海膽意粉 ， 首先佢嘅明太子醬真係好入味 ，而且我鍾意佢啲醬撈埋啲意粉一齊嚟食，好開胃。食落去啖啖明太子香味，而且有一粒粒明太子喺度，好有口感。麵質又彈，真係一流。嗰啲海膽都好新鮮，而且估唔到佢畀咁多海膽我哋，其實都算抵食，再加埋上面啲三文魚指令到成度菜都非常fresh，食到停唔到嘴。 另外我哋叫咗個士多啤梨藍莓香蕉梳乎厘pancake。 個pancake好厚身， 而且食落去有入口即溶嘅感覺。 另外我仲好鍾意佢有 雞蛋味喺度 ，係真正嘅梳乎厘同pancake 嘅合體 。上面啲生果都好新鮮，而且嗰啲cream嘅甜度同埋個pancake亦都好配合。我哋仲叫咗兩杯嘢飲，一杯係cookie frappe， 有好濃味嘅oreo味，另一杯係tapioca mango milk都好清新！