Tapa Room (已搬遷) 新店位置

今日同閨蜜出去銅鑼灣行街街，行到好攰嘅時候本身想去Cafe坐下，但係閨蜜又話想飲啲酒chill下，之前已經嚟過tapa room，可以飲下酒食下水煙，再加埋我覺得佢哋呢度嘅小食真係唔錯。我哋就每人叫咗一杯野飲，紅色個杯入邊有少少蘋果甜甜地都容易入喉。黃色個杯就入邊有菠蘿不過我就唔太鍾意呢杯啦，反而朋友又好鍾意喎呢啲真係見仁見智。可能我本身唔太鍾意菠蘿呢個水果我哋叫咗個八爪魚冷盤，八爪魚唔會太過硬，我覺得佢哋呢度嘅食物最緊要係醬汁佢哋嘅醬汁令到成件事加晒分。另外推薦嘅係佢哋嘅鵝肝多士，多士烘得脆卜卜，鵝肝雖然份量唔係好多不過都好重鵝肝味。我哋今次嘅座位仲特登揀咗喺路邊，雖然而家係夏天但係唔太熱，最緊要成個感覺好chill