WM Café & Bar (海之戀商場)

營業中

休息中

最近去咗荃灣海之戀商場3樓嘅 WM Café & Bar 食晚餐，最後揀咗坐室內卡位，位置闊落，坐得幾舒服。餐廳有戶外位，望出去就係藍巴勒海峽🌊，日落時分金光灑落海面🌇，見到有客人坐喺出面，好似好寫意。嗰刻心入面已經諗緊，下次一定要坐出面，好好感受下✨落單之後，店員送上熱辣辣嘅法包薄餅🥖，外脆內軟，甜椒香氣撲鼻，咬落去酥脆。餐湯係忌廉龍蝦湯🥣，質地濃厚，食到入面有唔少肉，味道唔會太搶前菜巴馬火腿哈蜜瓜多士🍈🥓鹹甜交錯，哈蜜瓜切得夠厚，咬落去要超大個口先可以一啖咬晒，果香同鹹香喺口腔混為一體主菜有兩款：🥩 安格斯牛柳配海虎蝦同帶子——牛柳五成熟，粉嫩多汁，有肉味唔鞋口；蝦大隻彈牙，帶子滑身唔腥，整體味道平衡，擺盤靚得嚟又有層次感🐖 伊比利亞有骨豬扒配香煎帶子、青蘋果條同柚子海鹽醬——豬扒厚切偏實淨，單食會覺得味道比較單調，但配埋蘋果條🍏同醬汁一齊食，酸甜鹹香交錯，令整體味道會有提升甜品有原味芝士餅同士多啤梨芝士餅🍰🍓，口感實身，芝士味偏輕盈。建議先食原味，因為士多啤梨味會比較甜。屬於溫柔型收尾。最後飲品係兩杯檸檬茶🍋🧊如果喺荃灣想搵間靜靜地食飯嘅地方，呢度係唔錯選擇。