影片
更多
2021-07-01
95 瀏覽
今日喺九龍灣行傢俬舖，然後打算喺MegaBox附近搵間嘢食食個晚飯，喺OpenRice上面見到呢間熊小館嘅食評好好，於是就過嚟試吓啦！入到黎已經覺得好親切，因為帶位嘅職員好可愛同友善，佢帶我哋去一個有隻熊仔坐喺度嘅位度，話我哋可以同隻熊仔一齊食飯，成件事好有童真，好得意🥰。見到呢度嘅環境真係好適合大小朋友嚟，有一個角落係特登比小朋友入去玩玩具，四圍都好多熊仔嘅公仔同埋擺設，鍾意熊啤啤嘅人一定要嚟呢度食！餐牌上面見到有二人套餐，睇落超抵！因為入邊每件嘢係獨立叫嘅話都要$80/100以上，但係呢度咁多樣嘢加埋先至二百幾蚊！好抵食，所以二話不說就揀咗二人套餐。首先係兩個餐湯，今日嘅餐湯係忌廉湯，味道都幾濃，份量多👍然之後就係法式田螺，真係好耐冇食過法式田螺，好味～數量都唔少，外面仲有啲薯蓉圍住佢，我最鍾意食薯蓉！所以呢一個薯蓉撈法式田螺非常啱我，薯蓉口感唔錯，又唔會話感覺到落咗好多牛油，感覺冇咁肥膩。主菜方面，我哋揀咗豬仔骨同埋卡幫你意粉。豬仔骨非常有驚喜！佢本來係蜜糖燒BBQ醬，啲味好入味，豬仔骨嘅質素都好高，把刀一掂落去都已經骨肉分離，完全不費氣力就可以將啲骨同埋肉完美分開，非常好食，而
入到黎已經覺得好親切，因為帶位嘅職員好可愛同友善，佢帶我哋去一個有隻熊仔坐喺度嘅位度，話我哋可以同隻熊仔一齊食飯，成件事好有童真，好得意🥰。
見到呢度嘅環境真係好適合大小朋友嚟，有一個角落係特登比小朋友入去玩玩具，四圍都好多熊仔嘅公仔同埋擺設，鍾意熊啤啤嘅人一定要嚟呢度食！
餐牌上面見到有二人套餐，睇落超抵！因為入邊每件嘢係獨立叫嘅話都要$80/100以上，但係呢度咁多樣嘢加埋先至二百幾蚊！好抵食，所以二話不說就揀咗二人套餐。
首先係兩個餐湯，今日嘅餐湯係忌廉湯，味道都幾濃，份量多👍
然之後就係法式田螺，真係好耐冇食過法式田螺，好味～數量都唔少，外面仲有啲薯蓉圍住佢，我最鍾意食薯蓉！所以呢一個薯蓉撈法式田螺非常啱我，薯蓉口感唔錯，又唔會話感覺到落咗好多牛油，感覺冇咁肥膩。
主菜方面，我哋揀咗豬仔骨同埋卡幫你意粉。豬仔骨非常有驚喜！佢本來係蜜糖燒BBQ醬，啲味好入味，豬仔骨嘅質素都好高，把刀一掂落去都已經骨肉分離，完全不費氣力就可以將啲骨同埋肉完美分開，非常好食，而且豬味都好好，唔會太重，剛剛好，因為我好怕啲豬浸味太過重，呢個好味。
卡邦尼意粉同樣地係好有水準，佢嘅醬汁好惹味，面都好多，意粉口感夠彈牙，成個意粉非常滿意，好味！
最後就係甜品啦，揀咗個心太軟，另外仲有一杯雪糕，雪糕個造型非常可愛，啲將知道好似章魚燒嗰種咁，激有卡通感覺，配啲熊仔係非常完美嘅配搭。
心太軟口感都幾正，佢個蛋糕表面夠趣，入邊夠軟，同啲雪糕一齊食就有又凍又熱嘅感覺，唯一就係入邊嘅朱古力醬冇想像中咁熱，所以冰火嘅感覺冇咁強烈，但係整體上都好味。
滿足的一餐！員工服務有親切，成間餐廳嘅感覺非常有童真，好似去咗個樂園咁。
張貼
