影片
更多
2020-02-23
955 瀏覽
旺角樓上cafe質素參差，每次去試一間新嘅都係一場賭博🤣今次去嘅呢間urban café令我喜出望外，食物質素好，服務亦都好，仲好有樂趣添！.呢到嘅食物種類比起一般嘅樓上cafe多，除左有意粉、小食、飲品外，都會有漢堡、牛扒、豬肋骨呢啲較復雜嘅西餐菜式，黎到一定會搵到啱自己口味嘅食物。我同兩位朋友一齊去食晚餐，叫左一個二人套餐(包餐湯、沙律、兩個主食同兩杯飲品，仲可以加$28加小食拼盤)、一杯散叫飲品同一個小食，食物份量都算多，所以我地都夠飽。.套餐餐湯係南瓜湯，味道濃郁而且有南瓜蓉係入面，飲得出唔係就咁開粉嘅湯，鍾意南瓜嘅我十分滿意呢個湯！沙律有菠蘿、車厘茄同沙律菜係入面，加左少少醋調味，味道酸酸地幾開胃。我地加配左個小食拼盤，入面有薯角、腸仔同炸雞，食落香口唔油膩，三個人食份量啱啱好，過下口癮又唔會太熱氣！主食方面我地叫左意式辣肉腸拉絲水牛芝士手工薄餅同即磨芝士黑松露野菌大啡菇忌廉意大利飯。手工pizza調味唔錯，而且水牛芝士夠多，真係做到拉絲效果，如果多少少辣肉腸片就更加好味😋意大利飯值得大讚，好耐無食過咁高質嘅意大利飯！飯煮得好creamy好入味，硬度適中，咬落去有少少煙韌，唔
.
呢到嘅食物種類比起一般嘅樓上cafe多，除左有意粉、小食、飲品外，都會有漢堡、牛扒、豬肋骨呢啲較復雜嘅西餐菜式，黎到一定會搵到啱自己口味嘅食物。我同兩位朋友一齊去食晚餐，叫左一個二人套餐(包餐湯、沙律、兩個主食同兩杯飲品，仲可以加$28加小食拼盤)、一杯散叫飲品同一個小食，食物份量都算多，所以我地都夠飽。
.
套餐餐湯係南瓜湯，味道濃郁而且有南瓜蓉係入面，飲得出唔係就咁開粉嘅湯，鍾意南瓜嘅我十分滿意呢個湯！沙律有菠蘿、車厘茄同沙律菜係入面，加左少少醋調味，味道酸酸地幾開胃。
我地加配左個小食拼盤，入面有薯角、腸仔同炸雞，食落香口唔油膩，三個人食份量啱啱好，過下口癮又唔會太熱氣！
小食拼盤
23 瀏覽
0 讚好
0 留言
主食方面我地叫左意式辣肉腸拉絲水牛芝士手工薄餅同即磨芝士黑松露野菌大啡菇忌廉意大利飯。手工pizza調味唔錯，而且水牛芝士夠多，真係做到拉絲效果，如果多少少辣肉腸片就更加好味😋意大利飯值得大讚，好耐無食過咁高質嘅意大利飯！飯煮得好creamy好入味，硬度適中，咬落去有少少煙韌，唔錯！芝士片份量好多，鍾意食芝士嘅人一定要試！
意式辣肉腸拉絲水牛芝士手工薄餅
18 瀏覽
0 讚好
0 留言
即磨芝士黑松露野菌大啡菇忌廉意大利飯
27 瀏覽
0 讚好
0 留言
額外加嘅小食係水牛城雞翼，呢到嘅水牛城雞翼調味偏酸，唔會太辣，醬料上碟時略微太多，但整體味道好。每隻雞翼size好大隻，咬落好juicy，啖啖肉，好滿足！
水牛城雞翼
29 瀏覽
0 讚好
0 留言
三杯飲品分別係水蜜桃蘋果醋梳打、蜂蜜金桔檸檬梳打同雪糕棉花糖朱古力。我最推薦雪糕棉花糖朱古力，朱古力好滑好香濃，配埋雪糕好似食緊甜品咁🥰另外兩杯就係比較清新嘅飲品，適合唔鍾意飲太甜嘅人飲。
雪糕棉花糖朱古力
29 瀏覽
0 讚好
0 留言
水蜜桃蘋果醋梳打、蜂蜜金桔檸檬梳打
28 瀏覽
0 讚好
0 留言
我先前提到樂趣多係因為呢到有好多貓貓店員，佢地會係你腳邊行過，十分得意，鍾意貓貓嘅人仲可以買貓零食吸引佢地過黎架！
整體而言，呢間cafe有美食又有貓貓陪玩，我一定會再去，大家都值得去試下！
張貼
