熊貓小雲吞 (鯉魚門廣場)

營業中

休息中

位於油塘鯉魚門廣場嘅熊貓小雲吞，係好多街坊好鍾意幫襯嘅一間小店，因為佢啲食物又平又大碗，真係窮人因物。肥雞嗰日晏晝就決定試吓呢一間，首先是下個孜然雞翼，即叫即炸，香脆可口。再嗌多個蝦皮清湯粟米豬肉小雲吞，佢個小雲吞比一般廣東雲吞係細隻好多，但係份量亦都啱啱好一啖吞晒，皮薄餡靚，再配埋淡淡海鮮味濃郁嘅蝦皮，唔經唔覺都食晒一碗。再嗌多個炸雲吞同埋手拍青瓜，呢啲小食真係一啖接着一啖，食唔停口。手帕青瓜，配埋揸到香脆嘅豌豆，再加少少辣油，酸辣嘅青瓜，夏天食消暑一流。