花園餐廳 (西洋菜南街)

營業中

休息中

情人節果日男朋友帶我到花園餐廳据下扒，叫左個鐵板牛柳，晚餐包湯同飲品一杯，另外再叫多左個焗薯容田螺。Order完後，先黎個羅宋湯，都好快手，唔洗點等，侍應服務態度都好好。羅宋湯料多，又熱辣辣，好好味。飲完個湯個牛柳就到，時間掌握得好好，侍應淋個汁上去時，塊扒吱吱聲，聲色味俱全。講返個牛柳，無雪藏味，軟硬度剛剛好，我叫左7成熟，加埋個熱既黑椒汁，perfect。食到一半個焗薯容田螺到左，味道好好，唔似整定晒果d，唔會有腥味，好新鮮。整體好好，地區方便，餐廳環境好有情調，一定會再去。