寶哥火鍋味館 (已結業)

今日黎到寶哥火鍋私房菜打邊爐，地點位於佐敦，幾方便，一入到去環境好大呀，燈光夠，行入去有好多卡位，四至六人枱，行入少少，有三四張好大嘅圓枱，啱晒成班人一齊去打邊爐。我哋叫咗個餐，一開始送咗刺身拼盤俾我哋，之後仲送咗個海鮮拼盤俾我哋啊，又有加拿大象拔蚌、海蝦、又有蜆、青口、帆立貝，好豐富呀！打邊爐除左材料緊要，最重要仲要係個湯底夠入味，一邊係椰子雞湯，一邊係蕃茄粟米湯，兩邊都好鮮甜呀，推介大家叫呢兩個湯底（唔食辣既話）。當然要叫啲肉類食啦，包括有本地手切肥牛、美國特級天然牛柳、黑毛豬，好多野簡架。仲叫咗響鈴，係即炸架，熱辣辣脆卜卜。招牌三寶丸，都好煙銀呀！飲品方便都好多選擇，我哋當然要叫咗清熱解渴嘅竹謝茅根～寶哥，適合一班朋友嚟打邊爐聚下舊，住附近/放工既朋友可以約埋一齊食呀！