魚一壽司 (教育路)

營業中

休息中

已經幫襯過魚一好多次， 每次都係外賣買返屋企食。 不過近兩次外賣， 好似比以前跌咗watt。 可能係夏天嘅關係， 始終天氣炎熱， 三文魚刺身同三文魚壽司試過買返屋企即食都有點怪味。（利申，行五分鐘到達家門） 始終刺身壽司屬高風險嘅食品， 餐廳方面真係要留意一下， 始終刺身壽司方面衛生係最重要。今次買咗三文魚刺身返屋企， 雖然味道冇嘢， 不過唔知點解三文魚刺身中間呈現一啲黑色， 又唔似血管位， 怕怕所以冇食。 雖然45蚊有成8塊咁多, 油脂分佈平均， 但食咗肚仔痛就無謂啦。魚一 其他種類嘅食物包括手卷， 沙律，冷麵都唔錯。 希望三文魚方面可以改善一下。