上海美食之家

營業中

休息中

留意一下，先發覺原來短短一條馬頭圍，已經有三間擔擔麵嘅餐廳，不過因為起地鐵，無咗一間。哩間上海美食之家，雖然鋪頭細細，睇下個餐牌，提供嘅菜式都唔算少。睇睇個餐牌，又有一種咩都想試，但肚腩容量有限。首先試下個擔擔麵先，叫咗客豬扒擔擔麵，習慣試試湯底先，湯麵非常濃郁，好過未執果間，再留意下塊豬扒，𠵱？除咗將原有塊炸豬扒切件之后，零零舍舍多出一小件？好明顯，廚房覺得塊炸豬扒細咗少少，補多一細件！哩點真係囉哂分！炸豬扒外層炸醬都算脆，豬扒都叫做厚身，唔似d連所快餐店薄依依。麵條偏冧但唔算燦，岩我胃口。再試試獅子頭客飯，豬肉入口即溶，味道唔會太淡，唔錯。好想試下佢地嘅小籠包，可惜肚腩空間有限，下次試完再寫食評。