Sky726

係旺角高層嘅浪漫情調西餐廳，呢間餐廳擁有一個大玻璃窗，可以望到旺角鬧市城景，內部裝潢以大量燈飾點綴天花板，抬頭會好似望到滿天星空一樣，感覺好有浪漫情調氛圍。烤波士頓龍蝦尾扁意粉隻龍蝦係冇殼㗎，直接食就得，啱晒我呢個懶人，龍蝦煎得好好，而意粉醬汁係番茄底酸酸地都好開胃。青口肉質鮮嫩彈牙，同白酒汁一齊煮，帶出啲海鮮嘅鮮甜味，白酒汁濃郁香濃，仲有埋餐包點埋食真係一流。厚厚的鵝肝配加上特調醬汁大減油膩感，最特別係旁邊都擺放住水果，可以消膩。牛扒肉質鮮嫩多汁，煎得香脆外焦內嫩，每一口都可以感受到牛肉嘅濃郁味道同質感。最後呢一味火焰雪山，係加入咗冧酒同白蘭地嘅甜品，香味非常濃郁，加上店員幫我哋製造出火山嘅效果，真係打卡一流。