山東餃子館 (已結業)

今日又係OT嘅夜晚，做得咁辛苦梗係要搵吓好嘢食啦。黎到九點幾，好多想食的舖頭都關左門，咁啱比我search到山東餃子店11點先閂門，又喺附近咁就走去試吓啦。兩個人一坐低就叫咗四碟嘢食，前菜有麻辣牛肉、手撕雞伴青瓜、主食就番薯苗鮮肉水餃同埋韭菜鮮肉煎餃子。手撕雞半青瓜就有啲煙燻嘅味道不過啲肉就有啲鞋，青瓜都算清新如果有d醬汁就更好味。個麻辣牛肉其實係將啲辣椒油放喺啲牛展上面，冇乜特別嘅味道。個人來講鍾意食香口嘢所以就叫咗韭菜煎餃，韭菜味都算濃郁，煎得脆口d就好啦。坊間比較少見到有番薯苗鮮肉水餃，於是就點左黎試吓，可能番薯被本身冇乜特別味道啦，不過都幾爽口，都值得一試啊。總括嚟講如果以輕食晚餐來講都算可以食下嘅。