影片
更多
2024-12-19
250 瀏覽
行完DONKI 又到搵餐廳坐低慢慢食野嘅時候，原來海之戀3樓都有唔少野食，今日就去咗間cafe 試下，入到去空間都幾大，都有唔少枱數，而且仲有室外位置，基本上唔使等位就可以入去首先佢哋嘅set dinner入面都會有餐湯、主菜、甜品同埋飲品；餐湯有忌廉龍蝦蟹肉湯同埋是日餐湯，甜品就有自家精選蛋糕同埋朱古力心太軟，飲品就有凍百香果茶、熱咖啡、熱茶#烤美國安格斯肉眼扒配紅酒汁 $288牛扒叫咗5成熟，食落都好有肉汁嘅，不過有啲位置都係相對較生，睇落似3成🙈而牛扒本身都有啲啲味，加埋紅酒汁一齊食真係perfect match ，佢仲有配埋啲鹽俾我哋點，如果啲鹽可以多少少就比較好啦#香煎帶子海鮮龍蝦汁扁意粉 $178呢碟意粉拎到過嚟真係忍唔住嘩一聲，係超級多海鮮，而且每樣海鮮嘅份量絕對唔係mini size，超級豐富，至於味道方面嚟講呢碟意粉就相對淡味，啲醬汁唔會好濃味搶哂啲海鮮嘅鮮味，如果平時食開淡口味嘅你呢碟就絕對唔可以錯過而特別要講下嘅就係佢哋嘅自家精選蛋糕，我哋就食咗士多啤梨芝士餅，個餅底係曲奇餅底，佢完全唔係用大量牛油整個餅底，所以食落唔會好油膩咁，而芝士糊亦相對淡口，所以唔會食到最
首先佢哋嘅set dinner入面都會有餐湯、主菜、甜品同埋飲品；餐湯有忌廉龍蝦蟹肉湯同埋是日餐湯，甜品就有自家精選蛋糕同埋朱古力心太軟，飲品就有凍百香果茶、熱咖啡、熱茶
#烤美國安格斯肉眼扒配紅酒汁 $288
牛扒叫咗5成熟，食落都好有肉汁嘅，不過有啲位置都係相對較生，睇落似3成🙈而牛扒本身都有啲啲味，加埋紅酒汁一齊食真係perfect match ，佢仲有配埋啲鹽俾我哋點，如果啲鹽可以多少少就比較好啦
#香煎帶子海鮮龍蝦汁扁意粉 $178
呢碟意粉拎到過嚟真係忍唔住嘩一聲，係超級多海鮮，而且每樣海鮮嘅份量絕對唔係mini size，超級豐富，至於味道方面嚟講呢碟意粉就相對淡味，啲醬汁唔會好濃味搶哂啲海鮮嘅鮮味，如果平時食開淡口味嘅你呢碟就絕對唔可以錯過
而特別要講下嘅就係佢哋嘅自家精選蛋糕，我哋就食咗士多啤梨芝士餅，個餅底係曲奇餅底，佢完全唔係用大量牛油整個餅底，所以食落唔會好油膩咁，而芝士糊亦相對淡口，所以唔會食到最後有種好油膩嘅感覺，清清地反而仲健康仲吸引人
#巴馬火腿凱撒沙律
火腿味道香濃，咬落去有一種咸香嘅鮮味，配埋新鮮脆口嘅蔬菜，味道上平衡得啱啱好
張貼
