影片
更多
2024-02-22
2282 瀏覽
又來到新春開年飯局，同事們今日就特登book咗呢一間享負盛名，位於港島海逸君綽酒店中菜廳- 君綽軒，大家齊齊整整嘆番餐鴻運當頭嘅開年飯先！：D———————————————————🔹風生水起 - 撈起正所謂撈起撈起，撈到風生水起！新正頭當然叫返個好意頭既頭盤先啦！材料夠哂豐富，有齊鮑魚、花膠、三文魚、青瓜絲、蜜瓜絲、琥珀合桃粒及炸發菜等等，再加上奪目嘅金箔，大家一齊撈起黎食，好味又好玩！🔹滋補藥膳雞煲天氣乍暖還寒，歎返煲滋補藥膳雞煲就岩哂！藥膳材料夠足料，香噴噴熱辣辣既湯頭夠哂滋補，加入紅棗、杞子及圓肉等配料，夠哂養生！而且滑雞件份量十足，嫩滑得黎仲好鮮味，大推！🔹黑椒粉絲大蝦煲惹味香噴噴既煲仔菜，無得頂！巨型嘅虎蝦大大隻夠吸睛，蝦肉夠澎湃，啖啖肉再加埋彈牙既粉絲，索滿惹味嘅黑椒配料，辣辣地夠過癮，好食到爆燈！🔹 蝦子海參柚皮鵝掌煲傳統既粵菜菜式，柚皮需經過多重浸泡及處理，先做到甘甜而不澀嘅效果，呢道菜式君綽軒做得相當出色！鵝掌以自家調製醬汁炆至Q彈入味，骨肉分離，超鬆軟，配搭埋爽彈既海參同埋甘甜軟腍既蝦子柚皮，成個配搭都好MATCH，個個都食得好滋味！🔹生薑乾逼花尾斑球煲選用深海花尾
———————————————————
🔹風生水起 - 撈起
正所謂撈起撈起，撈到風生水起！新正頭當然叫返個好意頭既頭盤先啦！
材料夠哂豐富，有齊鮑魚、花膠、三文魚、青瓜絲、蜜瓜絲、琥珀合桃粒及炸發菜等等，再加上奪目嘅金箔，大家一齊撈起黎食，好味又好玩！
🔹滋補藥膳雞煲
天氣乍暖還寒，歎返煲滋補藥膳雞煲就岩哂！
藥膳材料夠足料，香噴噴熱辣辣既湯頭夠哂滋補，加入紅棗、杞子及圓肉等配料，夠哂養生！而且滑雞件份量十足，嫩滑得黎仲好鮮味，大推！
🔹黑椒粉絲大蝦煲
惹味香噴噴既煲仔菜，無得頂！
巨型嘅虎蝦大大隻夠吸睛，蝦肉夠澎湃，啖啖肉再加埋彈牙既粉絲，索滿惹味嘅黑椒配料，辣辣地夠過癮，好食到爆燈！
🔹 蝦子海參柚皮鵝掌煲
傳統既粵菜菜式，柚皮需經過多重浸泡及處理，先做到甘甜而不澀嘅效果，呢道菜式君綽軒做得相當出色！
鵝掌以自家調製醬汁炆至Q彈入味，骨肉分離，超鬆軟，配搭埋爽彈既海參同埋甘甜軟腍既蝦子柚皮，成個配搭都好MATCH，個個都食得好滋味！
🔹生薑乾逼花尾斑球煲
選用深海花尾班，肉質夠晒滑嫩！底層以大量薑粒、薑蓉及乾蔥頭爆香，再加入鮮味十足既花尾斑球，簡簡單單嘅配搭已經能夠突出海魚嘅鮮甜味！
🔹古法雙冬黑草羊腩煲
超澎湃、份量十足嘅羊腩煲！
羊肉、羊腩、羊腩皮、冬菇、冬筍及枝竹，一層層咁鋪滿成個瓦煲，擺盤精緻又用心！
特別推介羊腩，炆煮得夠晒入味，而且軟腍腍、啖啖肉，食得好滋味！
🔹鳳凰報喜- 鴻運三十年陳皮脆皮炸子雞
大時大節食飯，當然要叫返款炸子雞應吓節先！
脆皮炸子雞外皮卜卜脆，脆炸過程將雞肉嘅肉汁鎖緊，可見廚師夠晒功架！
餐廳仲特意加入30年陳皮連同雞肉入饌，每一啖都散發住陳皮既香氣，令人齒頰留香！
🔹生炒臘味糯米飯
上菜擺盤好似一朵鮮艷奪目嘅太陽花！
足料生炒糯米飯，加入臘味、櫻花蝦等配料，油香四溢～我最鍾意佢哋嘅糯米飯入口煙煙韌韌，上層仲用上金黃色嘅蛋皮包裹，猶如一個黃金寶箱，夠晒吸睛！
🔹步步高陞 - 薑汁黑蔗糖年糕 ＋ 遠年陳皮棗蓉糕
新正頭，當然要嘆返個寓意步步高升嘅傳統過年應節年糕啦！
餐廳自家製作薑汁黑蔗糖年糕及遠年陳皮棗蓉糕，用料精挑細選，全人手自家製作，質素有保證！兩款糕點入口軟糯，口感煙韌，甜而不膩，我哋成班同事都食得好滿足！
———————————————————
餐廳：君綽軒
地址：北角油街23號港島海逸君綽酒店5樓
張貼
