BTS美食站

營業中

休息中

今次去呢一間九龍城嘅泰菜，非常之有特色。除咗店面裝修得好得意，用咗曼谷嘅地鐵路站來做一個裝飾之外，裏面嘅嘢食選擇亦都非常之豐富。當中最令人驚喜嘅係佢啲沙冰飲品，佢沙冰選擇中，居然有榴槤沙冰，超級少見，亦都好神奇。今次我叫嘅嘢食之中，有大蝦炒粉絲，串燒拼盤，西瓜沙冰同埋一個椰汁冰。佢嘅大蝦炒粉絲炒得唔錯，粉絲堅韌彈牙，而且隔離仲有一啲花生做配搭。而串燒拼盤亦都有一個與花生醬味道相似嘅醬汁俾你。但個人建議，比起串燒拼盤，更加建議單獨點串燒。而西瓜沙冰清甜好飲，椰汁冰嘅奶味都好重。