快船廊

營業中

休息中

我半百歲人，慶祝結婚周年紀念，於文華12/9/2024快船廊第一次自助晚餐（亦是最後一次），未食過一間食物質素味道咁差，種類又少，嘅自助餐。概括講整體過程感覺，一開始攞凍海鮮，蠔🦪身屬中型，蠔肉好似蠔仔咁細但係勁瘦勁削（蠔仔餅啲蠔飽滿好多）。長腳蟹屬於細身形味道太鹹，肉鬆散又黐殼，無一可取。麵包蟹、鮑魚、翡翠螺正常👍🏼，龍蝦我冇攞，但見到凍櫃大量放喺度冇人攞，可推測知質素如何😪。跟住取其他食物繼續試，攞咗碗蟹肉羹，嘩！一股死鹹味（剩係得個鹹味冇其他食物嘅味道）繼續衝擊我嘅口腔，擺低。沙律、煙三文魚、各類火腿屬正常。甜品要讚，👍🏼尤其芝士cake又滑又cream ＆雪糕雪葩😋。熱食炒粉麵飯我冇試，小弟個肚quota唔多，揀咗小籠包食咗7粒，算是入得口好吃（通常自助餐蒸籠食物除咗頭一轉之後隨着時間越耐就越乾，過火唔好食）。總之一句今期文華快船廊垃圾，究竟好食嘅文華去咗邊？😪定抑或係傳說？🧐