影片
更多
2017-08-09
130 瀏覽
今日係我同老公嘅紀念日，打算去青衣城呢間新嘅食店試吓，食飽之後就諗住喺樓下搭車去馬灣行吓。呢間The Story Cafe and Bakery 嘅裝修非常之靚坐低之後我哋睇吓餐牌， 店員通知我哋依家係做緊午市，只可以選午餐。老公叫咗一個All day breakfast ，除咗黑松露炒蛋比較出色之外，其他食物都係比較普通。而且份量亦都算少。我就叫左一個車打芝士牛肉漢堡，賣相十分之靚！不過食落味道都係麻麻地。午餐呢系包咗餐湯嘅， 係忌廉湯。跟湯又包左一個餐包。首先個忌廉湯，其實就係好普通茶餐廳嘅忌廉湯，但係佢又好多餘咁放咗蘿蔔片同埋洋蔥片落去。仲有個餐包，硬到好似石頭咁 ！我老公食完仲流牙血所以我哋咬咗一啖之後，就唔想食落去。特飲方面我叫左一杯瑤瑤星空，佢係士多啤梨加藍梅嘅特飲嚟嘅。但係飲落就是黑加倫子沙冰。老公就叫咗一杯晨曦，係芒果加香蕉嘅沙冰，老公話呢杯就幾好味！服務質素方面，唔叫佢又唔會收碟，而且有個阿姐嘅侍應冇乜笑容。而且當時其實我哋係大約11點半去到，餐廳根本就冇乜人，但係佢安排座位就安排得好差，將啲人放埋一齊，搞到好逼硤。總括而言，服務一般， 嘢食一般，好睇唔好食，影完相就
呢間The Story Cafe and Bakery 嘅裝修非常之靚坐低之後我哋睇吓餐牌， 店員通知我哋依家係做緊午市，只可以選午餐。
老公叫咗一個All day breakfast ，除咗黑松露炒蛋比較出色之外，其他食物都係比較普通。
而且份量亦都算少。
我就叫左一個車打芝士牛肉漢堡，賣相十分之靚！不過食落味道都係麻麻地。
午餐呢系包咗餐湯嘅， 係忌廉湯。跟湯又包左一個餐包。首先個忌廉湯，其實就係好普通茶餐廳嘅忌廉湯，但係佢又好多餘咁放咗蘿蔔片同埋洋蔥片落去。仲有個餐包，硬到好似石頭咁 ！我老公食完仲流牙血
所以我哋咬咗一啖之後，就唔想食落去。
特飲方面我叫左一杯瑤瑤星空，佢係士多啤梨加藍梅嘅特飲嚟嘅。但係飲落就是黑加倫子沙冰。
老公就叫咗一杯晨曦，係芒果加香蕉嘅沙冰，老公話呢杯就幾好味！
服務質素方面，唔叫佢又唔會收碟，而且有個阿姐嘅侍應冇乜笑容。
而且當時其實我哋係大約11點半去到，餐廳根本就冇乜人，但係佢安排座位就安排得好差，將啲人放埋一齊，搞到好逼硤。
總括而言，服務一般， 嘢食一般，好睇唔好食，影完相就算。唔會幫襯第二次。
張貼
