影片
更多
2020-12-28
669 瀏覽
好耐無去鰂魚涌公園，見今日天氣唔錯，提議過去逛逛，順便舒展下筋骨。做完運動，有人話要帶我去北角匯試新嘢，咁有驚喜？原來睇中咗超市入面嗰間「野郎蒸」。餐廳主打蒸籠料理和石燒，所謂蒸籠料理，顧名思義就是以「蒸」這個烹調方式作為賣點，以高溫蒸熟籠內嘅肉類和蔬菜，夠晒原汁原味！既然食店主打蒸籠料理，一於來個美國牛肉片蒸籠定食 ($98)，定食包前菜三點、白飯及味噌湯。牛肉同蔬菜以一個特大嘅方形木蒸籠盛上，店員教路，先用大火蒸 5 分鐘，然後轉細火，再按自己嘅喜好，調校牛肉嘅生熟度。嘩！一打開蓋，濃濃的肉香混合木香即時湧出。牛肉肉質好嫩滑，入口又薄又軟腍，而且由於以蒸的方法處理，令到肉片保留足夠嘅水份，加上底部鋪上大量嘅瓜菜同雞髀菇，感覺十分清新健康。食嘅時候可以將牛肉捲住蔬菜蘸點醬汁同吃，口感會更加 Juicy 和惹味！之後試埋佢哋嘅石燒，點了 200g 西班牙產黑豚 ($118)，只需 +$30 就可以轉套餐，套餐包薯蓉/飯/湯及沙律，全部都可以無限添加，另外仲有汽水一罐，非常抵食。沙律的椰菜絲切得夠幼細，食落新鮮爽脆；而麵豉湯入口亦暖笠笠，可見誠意。豚肉以熱石盛上，塊塊都好厚身，入口肉味
好耐無去鰂魚涌公園，見今日天氣唔錯，提議過去逛逛，順便舒展下筋骨。做完運動，有人話要帶我去北角匯試新嘢，咁有驚喜？原來睇中咗超市入面嗰間「野郎蒸」。
餐廳主打蒸籠料理和石燒，所謂蒸籠料理，顧名思義就是以「蒸」這個烹調方式作為賣點，以高溫蒸熟籠內嘅肉類和蔬菜，夠晒原汁原味！
既然食店主打蒸籠料理，一於來個美國牛肉片蒸籠定食 ($98)，定食包前菜三點、白飯及味噌湯。牛肉同蔬菜以一個特大嘅方形木蒸籠盛上，店員教路，先用大火蒸 5 分鐘，然後轉細火，再按自己嘅喜好，調校牛肉嘅生熟度。
嘩！一打開蓋，濃濃的肉香混合木香即時湧出。牛肉肉質好嫩滑，入口又薄又軟腍，而且由於以蒸的方法處理，令到肉片保留足夠嘅水份，加上底部鋪上大量嘅瓜菜同雞髀菇，感覺十分清新健康。食嘅時候可以將牛肉捲住蔬菜蘸點醬汁同吃，口感會更加 Juicy 和惹味！
之後試埋佢哋嘅石燒，點了 200g 西班牙產黑豚 ($118)，只需 +$30 就可以轉套餐，套餐包薯蓉/飯/湯及沙律，全部都可以無限添加，另外仲有汽水一罐，非常抵食。
沙律的椰菜絲切得夠幼細，食落新鮮爽脆；而麵豉湯入口亦暖笠笠，可見誠意。
豚肉以熱石盛上，塊塊都好厚身，入口肉味頗濃郁，肉質軟腍不韌，完全不嚡，食到一絲絲肉的纖維質感，而且肉汁仲好豐富，配埋軟熟嘅白飯食，夠晒飽肚。
另外再加點咗個薯蓉，店員話要稍等一會，原來薯蓉要即製，送上桌時熱辣辣，入口香濃幼滑，食完飲埋罐汽水，超滿足！
張貼
