影片
更多
2023-12-06
287 瀏覽
平時比較少去中環，最近先知原來怡和大廈地庫有個又大又靚嘅food court，成個氣氛感覺都好有情調，完全同一般的food court好唔同，空間同座位亦比好多food court都大同舒服。入面分咗兩個區域，有好多唔同菜式的食店選擇。今次就試下呢間泰國菜。❇️ BBQ Skewer combo BBQ雜錦串燒 (3pc) $58▶️豬牛雞各叫一串，每款肉質都好腍又保留到肉汁，BBQ風味，配搭沙爹醬食香口又惹味！🥰❇️Grilled Pork Neck烤豬頸肉 $88▶️豬頸肉份量都幾多，外皮帶少少焦脆，肉質頗為軟腍唔會烤得好乾，配上少少辣少少酸的醬汁，更具泰國風味😋❇️ Thai Style Spicy and Sour Chicken Feet Salad 泰式酸辣鳳爪沙律 $78▶️份量同樣都唔少，鳳爪爽口，每隻鳳爪都沾滿醬汁好入味，少少酸多多辣，配菜有芹菜、蔥、甘筍絲同車厘茄，鍾意食辣嘅朋友應該會幾鍾意呢款小食！呢度如果叫飯麵主食，可以加錢有飲品亦有小食❇️Thai Pineapple Fried Rice with Seafood 泰式海鮮菠蘿炒飯 $128▶️擺盤靚，材料十足！入面有青口、
❇️ BBQ Skewer combo BBQ雜錦串燒 (3pc) $58
▶️豬牛雞各叫一串，每款肉質都好腍又保留到肉汁，BBQ風味，配搭沙爹醬食香口又惹味！🥰
❇️Grilled Pork Neck烤豬頸肉 $88
▶️豬頸肉份量都幾多，外皮帶少少焦脆，肉質頗為軟腍唔會烤得好乾，配上少少辣少少酸的醬汁，更具泰國風味😋
❇️ Thai Style Spicy and Sour Chicken Feet Salad 泰式酸辣鳳爪沙律 $78
▶️份量同樣都唔少，鳳爪爽口，每隻鳳爪都沾滿醬汁好入味，少少酸多多辣，配菜有芹菜、蔥、甘筍絲同車厘茄，鍾意食辣嘅朋友應該會幾鍾意呢款小食！
呢度如果叫飯麵主食，可以加錢有飲品亦有小食
❇️Thai Pineapple Fried Rice with Seafood 泰式海鮮菠蘿炒飯 $128
▶️擺盤靚，材料十足！入面有青口、蝦仁、魷魚、肉鬆、腰果，每款材料都幾新鮮。個飯炒得粒粒分明，唔會好乾又唔會炒到好油。側邊的新鮮菠蘿非常香甜，配合成個飯一齊食口感十分豐富！😍
❇️Tam Yum Kung冬蔭功湯 +$38
▶️好耐冇飲過冬蔭功湯，本來諗住如叫一煲實在會飲唔哂，但好在佢地可以加錢有一碗細的。估唔到呢個湯令我好有驚喜！🤩
雖然個湯只係一人份量，但入面材料好豐富，有青口、魷魚、蝦仁、秀珍菇，啖啖鮮味，而個湯酸辣程度剛剛好，飲完亦唔會覺得口渴，好好飲！😋
❇️Thai Coffee泰式咖啡 +$15
▶️好大一杯，甜味比較濃，但咖啡味唔太濃，似飲奶茶多D，不過只係加$15有咁大杯都好抵飲。
真係冇諗過原來food court都可以有高質美食👍🏻，而且感覺好似坐響高級餐廳食飯咁，加上呢間價錢唔貴，份量亦多，以中環區嚟講的確算抵食，如果我響附近返工，呢度應該會成為我的飯堂！😊
張貼
