黑布小巷 (木蘭苑) (已結業)

繼上次喺荔枝角分店食完佢哋嘅麻辣雞腿蛋多士之後就一直念念不忘🤤，幾日前行經砲台山嘅時候竟然見到黑布小巷，決定要再食多次。依間分店係得外賣冇堂食，我哋大概等左15分鐘就拎得啦同上次一樣叫咗麻辣鬼辣慢烤雞腿蛋多士 ($48)，另外再叫多咗個唔辣嘅 ($46)。雞腿一樣完全唔會嚡，加上半生熟雞蛋食落好Juicy。不過唔知係咪expectation太高定點😂，我哋好欣賞嘅秘製醬汁好似落得唔夠多，冇上次咁甜咁好食。另外麻辣雞腿蛋多士，同上次完全係兩回事，唔知係咪辣粉落重手咗，太辣啦🥵 好彩叫咗兩杯凍飲黎解下辣，如果唔係應該搞唔惦😂