影片
更多
2020-09-15
87 瀏覽
入到餐廳見最多人就係點招牌菜：吉列牛定食&忌廉烏冬，咁多人點相信中伏嘅機率絕對會大大降低，因此當然我都要點啲兩款啦( ◠‿◠ ).牛列牛定食 $148吉列牛套餐碗有兩款小食，芝麻醬車厘茄同豆腐，另外有兩款醬汁，一款係蒜醬，一款係醋。配有味素飯同海帶豆腐湯，同圖相比個沙津就得好少。吉列牛嘅牛未知係選用邊一款牛肉，雖無霜降效果，肉身少肥，牛味較淡，但肉質嫰滑無筋尚可以接受，配搭金黃色脆卜卜外皮，且燒爐火力足夠能快速鎖住肉汁，味道不俗。.咖哩忌廉烏冬（牛）$78忌廉烏冬都已經唔係咩新菜式，之前一路都想試，結果想到由新菜變舊菜小妹先第一次食( ´∀｀)烏冬採用日本稻庭烏冬，面層嘅忌廉配下層嘅咖哩原來都幾夾，又唔會伏啵；佢嘅咖哩係偏淡味，完全唔辣，醬汁唔會好濃好杰，食起上黎配埋忌廉唔會好漏滯，女仔都食得哂一碗，份量啱啱好。.Kobekyu牛油蜜糖單骨雞翼 $65未入餐廳之前一路以為佢係日式餐廳，原來係韓式餐廳黎，所以佢都有冷麵，韓燒牛，炸雞食，三款炸雞裡面個人最喜歡牛油蜜糖味，外層香口，調味出色，炸雞不膩，單骨食起上嚟超級方便，唔影響儀態，配角炸雞小食竟然有驚喜，很推薦喔(*´꒳`*)
.
牛列牛定食 $148
吉列牛套餐碗有兩款小食，芝麻醬車厘茄同豆腐，另外有兩款醬汁，一款係蒜醬，一款係醋。配有味素飯同海帶豆腐湯，同圖相比個沙津就得好少。吉列牛嘅牛未知係選用邊一款牛肉，雖無霜降效果，肉身少肥，牛味較淡，但肉質嫰滑無筋尚可以接受，配搭金黃色脆卜卜外皮，且燒爐火力足夠能快速鎖住肉汁，味道不俗。
.
咖哩忌廉烏冬（牛）$78
忌廉烏冬都已經唔係咩新菜式，之前一路都想試，結果想到由新菜變舊菜小妹先第一次食( ´∀｀)烏冬採用日本稻庭烏冬，面層嘅忌廉配下層嘅咖哩原來都幾夾，又唔會伏啵；佢嘅咖哩係偏淡味，完全唔辣，醬汁唔會好濃好杰，食起上黎配埋忌廉唔會好漏滯，女仔都食得哂一碗，份量啱啱好。
.
Kobekyu牛油蜜糖單骨雞翼 $65
未入餐廳之前一路以為佢係日式餐廳，原來係韓式餐廳黎，所以佢都有冷麵，韓燒牛，炸雞食，三款炸雞裡面個人最喜歡牛油蜜糖味，外層香口，調味出色，炸雞不膩，單骨食起上嚟超級方便，唔影響儀態，配角炸雞小食竟然有驚喜，很推薦喔(*´꒳`*)
張貼
