阿杏飯團 (新都城中心二期)

營業中

休息中

成日都見到呢間飯團有好多唔同分店，終於係屋企樓下開咗一間，經過門口見到佢有優惠一於試吓。第一次食唔知食乜好，所以跟返餐牌食最受歡迎個兩款。見到店內工作人員真係每一個都係親手即場整，我叫咗一個鹹蛋黃飯團，見到真係好大舊鹹蛋黃，食入口好有鹹香嘅味道，入邊仲有少少脆米，真係好香好好味。另一個叫左係燒汁牛扒飯團，牛扒唔會太硬，而且連埋啲醬汁一齊食，味道都唔錯。我唔知道其他分店有冇呢個優惠，呢間就可以加錢配埋飲品，飲品同台式飲品店有得揮，一樣好大杯，好好味，仲有我最鍾意嘅椰果，食完兩舊飯團真心飽，因為真係好足料，如果屋企唔煮飯，真係食個飯團連一個大男人都可以飽足半日。