渡邊屋

同朋友餓底出動覓食，今次特登去咗尖沙咀呢間開業半年左右嘅新分店！門口係好舒服嘅木系裝潢🎋，帶點簡約日系feel～推門入去就見到個好靚嘅L shape bar枱，師傅們好專心咁準備緊食物！目測成間店大約得20個座位左右，所以真係好搶手🔥！我哋今日星期四晚市嚟，全場爆滿！！好彩醒目提早book咗位，見到有walk-in客真係要等一陣～

重點嚟啦！刺身拼盤真係誇張到呢～～～全部厚切！厚切！厚切！😍 重要事講三次！ ▪️海老超鮮甜，彈牙到好似識跳舞咁～ ▪️海膽真係creamy到癲！入口即化，濃郁到呢～～～ ▪️帶子係珍寶size！又厚又鮮甜，一啖食唔晒！ ▪️池魚、三文魚、吞拿魚全部油脂甘香，厚切口感勁滿足！

#香港美食

湯品都絕不馬虎： ▪️赤蝦海鮮味噌湯：味噌味超濃烈，入面有成大隻彈牙赤蝦同埋魚肉，飲完成個人暖笠笠～ ▪️大蜆湯：超級鮮甜！蜆肉大大粒，清甜到飲唔停口！

最驚喜係火炙壽司盛盒🔥： ▪️鰻魚同原條海鰻經過火炙後更加帶出魚油香，入口即化～ ▪️赤蝦上面竟然有點蝦膏！咸鮮味濃，真係一試難忘！ ▪️每件壽司飯量剛好，醋飯酸度適中，同魚生配合得天衣無縫～

服務方面都要讚👍🏻，員工好親切，成日顧住我哋需要，不停添茶水，又會同我哋講解下食材，好nice！
.
總括來講，雖然價錢中上（今次2人消費$849），但絕對物有所值！環境、食物、服務全部在水準之上～難怪平日都full booking！已經同朋友約定下次去試九龍城總店～✨

1