新華苑酒家

營業中

休息中

朋友約我一齊去旺角嘆蒸氣海鮮餐。我係食物焚化爐黎架嘛，搵我就最啱。定食每人半隻乳鴿。呢度海鮮即蒸即食真係超美味，熱辣辣入口，唔夠味就自己加調味醬汁。我地食左大元貝、象拔蚌仔、鮑魚、龍躉件。每樣海鮮都係分開蒸既，咁每款海鮮就唔會蒸過龍。其他食物任點既，我地每樣都食左啲。我最鍾意呢度既自家製韭菜餃，足料大大粒。蔬菜籃同雜菌籃就算叫一人份都超大份量，有多種蔬菜平衡番。蜂巢糕同薑汁紅棗糕都夠曬甜，係最佳飯後甜品。最後食埋個蒸左兩個半鐘既粥底，我呢個大胃王都飽到出汁喇。