喜膳燒

營業中

休息中

我同朋友好鐘意摸下酒杯底，尤其系飲啤酒，但係依家仲係凍凍地，所以我哋就特登搵一啲有熱食嘅地方飲，串燒就最啱，又唔會覺得凍，又係送酒嘅最佳拍檔。呢間串燒店真係求其嗌都好食，於是我哋就求其嗌。佢個好處就係一喺個bar枱整好， 即刻送到你面前，嗰個熱辣辣嘅程度最令人滿意。🍖睇相你以為我最鍾意食燒海鮮呢？無錯，我就係最鍾意食燒海鮮。蟶子同扇貝系新鮮嘅，共通點系燒到脹卜卜，燒完質地仲繫好嫩，如軒公所願，兩者都可以不要老，而且兩者都俾蒜蓉醬帶出海鮮嘅鮮味。仲有個生蠔，用芝士覆蓋住，令裡面嘅蠔肉同汁水完全被覆蓋，保溫之餘，海水味同芝士味嘅交融，因為咁樣完全衝擊你嘅味蕾。仲有用錫紙包住嘅煮白鱔，醬汁非常入味，更加驚喜嘅係入邊嘅虫草花同埋瓜類都非常入味，索晒個汁入去。🍖海鮮之外我最鍾意就係爆汁類，表表者就係豚肉包住嘅車厘茄同埋燒菠蘿。咬落去嘅時候，啲汁瘋狂湧出，而且會辣到個口，但係你又會忍唔住繼續想咬落去。🍖仲有當然其他串燒都好出色，和牛肉串出色就自然嘅啦，啲料靚啊嘛，但係雞肉串，雞軟骨仲有明太子雞翼，一樣系咁好味，一樣咁啱送酒。