影片
更多
2018-12-30
1208 瀏覽
呢度啲野食好新鮮！服務又好，老細見我地鹹菜未出味前飲左啲湯，專燈叫我地試下出味之後有咩唔同。對豬肚好正呀，夠晒淋。湯底夠重胡椒味，好暖身呀飲左！侍應見到地食完蜆，主動過黎幫我地換左兩次碟。啲手切牛肥牛好淋！沙白漲卜卜無沙，好鮮甜！即炸響鈴熱辣辣脆到好化口，點個錦滷雲吞隻甜酸汁食，正呀！食過九龍城街市買既神級墨魚滑同韮菜餃，呢度都唔差，但唔夠神級咁好食，墨魚粒唔夠多同彈牙，韮菜需然薄皮但韮菜唔夠香。（唔記得影韮菜餃）不過手制牛筋丸（無影到）同蝦丸就有驚喜，好足彈牙。無骨脆肉鯇都唔錯（無影到）。食食下見到menu有碟椒鹽粟米，被佢吸引住，就嗌左黎試！好正呀啲粟米鋪滿炸蒜勁香口！
侍應見到地食完蜆，主動過黎幫我地換左兩次碟。啲手切牛肥牛好淋！
沙白漲卜卜無沙，好鮮甜！
即炸響鈴熱辣辣脆到好化口，點個錦滷雲吞隻甜酸汁食，正呀！
食過九龍城街市買既神級墨魚滑同韮菜餃，呢度都唔差，但唔夠神級咁好食，墨魚粒唔夠多同彈牙，韮菜需然薄皮但韮菜唔夠香。（唔記得影韮菜餃）
不過手制牛筋丸（無影到）同蝦丸就有驚喜，好足彈牙。
無骨脆肉鯇都唔錯（無影到）。食食下見到menu有碟椒鹽粟米，被佢吸引住，就嗌左黎試！好正呀啲粟米鋪滿炸蒜勁香口！
張貼
