立鮨 (安富大廈) (已結業)

立食係日本流行飲食文化，喺香港第一次企喺度食壽司🍣就應該係尖沙咀嘅 立鮨。放工經過荃灣路德圍，竟然俾我見到有座位的 立鮨 ，唔使諗即刻排隊等位 ，滿足一下食壽司的慾望。店舖雖小，環境衛生，抗疫功夫做得足夠，幾位師傅團團轉，好似去咗築地食壽司咁嘅感覺。店長推介黑板上會寫低店長每日嘅推介，不時不食，當然要試吓時令嘅海鮮壽司啦！賴尿蝦配蟹膏櫻花蝦壽司 $25原隻賴尿蝦鮮甜美味、一點點的蟹膏已經可以提升鮮味不少了，加上鬆脆櫻花蝦的口感，味道層次夠晒豐富。期間限定螢光魷魚軍艦 $38螢光魷魚好爽口，份量多得驚人， 配搭的醬汁好 match , 鮮甜爽口又彈牙，佐酒一流！伊佐木壽司 $28伊佐木新鮮魚刺身，肉質細緻，鮮味十足，加上淡淡的海水味，果然係推介之一！火炙大吞拿魚腩海苔壽司 $50大吞拿魚腩入口即溶，火炙的油甘香氣充斥着整個口腔，甘香可口，肥美的口感回味到不得了！手握壽司性價比高，我叫咗啲價錢 $12- $22 的手握壽司，即叫即製作，赤醋日本壽司飯，品質都好高。本鮪赤身壽司：我最愛的本鮪赤身，一口的鮮甜肥美感令人著迷。粒貝壽司：口感爽彈，好好食。北海道帶子壽司：帶子肥大肉厚，味道夠鮮甜。