影片
更多
2021-06-15
1061 瀏覽
朋友話開左新點心舖，點心質素唔錯，新開張仲免茶，就今日黎試下佢。地點唔係大街大巷，唔講真係唔知呢條小路有野食。開左壺普洱，茶味都ok，正正常常嘅茶味，勝在啲水夠滾，熱茶特別好飲。沙律雜果鮮蝦雲吞就係平時食開的炸雲吞加了雜果沙律在上面，賣相即刻靚好多，炸雲吞新炸起又熱又脆，入面有大大隻蝦，沙律仲係冰凍唔怕室溫擺得耐，咁樣一齊食真係好味過點個種紅色勁酸嘅汁，好味好味。醬汁茄子併尖椒同樣新鮮做超熱呀，鯪魚滑勁厚又彈牙，正流沙奶黃包一籠有三個，正常size。好流心，唔過甜仲有蛋黃味，有水準之作。光記蝦餃皇蝦餃一籠兩隻，個size大到嚇親，哈哈。超大粒！大過隻匙羹，直頭有杯口直徑咁下隻，勁多蝦好鮮甜，皮唔可以話好薄但唔算厚，要有咁上下先包到咁多餡嘛。原蝦燒賣皇燒賣都係兩隻一籠，又係勁大隻，比起一般茶樓起碼1.5倍大，有蝦，冬菇等，瘦肉肥肉比例剛好，咬落有肉汁。銀羅脆皮腸好脆同好多蘿絲，腸粉滑口，可惜朋友十分重口味加得太多豉油搞到好鹹，哈哈，留返比佢啦。足料珍珠雞又真係幾足料，鹹蛋黃，肉絲，冬菇等，飯有咬口仲有荷葉香，好食。養顏紅棗糕最後黎個甜品先，好煙韌同好濃紅棗味，為呢一餐劃上完美句號。點心有
地點唔係大街大巷，唔講真係唔知呢條小路有野食。
開左壺普洱，茶味都ok，正正常常嘅茶味，勝在啲水夠滾，熱茶特別好飲。
沙律雜果鮮蝦雲吞就係平時食開的炸雲吞加了雜果沙律在上面，賣相即刻靚好多，炸雲吞新炸起又熱又脆，入面有大大隻蝦，沙律仲係冰凍唔怕室溫擺得耐，咁樣一齊食真係好味過點個種紅色勁酸嘅汁，好味好味。
醬汁茄子併尖椒同樣新鮮做超熱呀，鯪魚滑勁厚又彈牙，正
流沙奶黃包一籠有三個，正常size。
好流心，唔過甜仲有蛋黃味，有水準之作。
光記蝦餃皇蝦餃一籠兩隻，個size大到嚇親，哈哈。
超大粒！大過隻匙羹，直頭有杯口直徑咁下隻，勁多蝦好鮮甜，皮唔可以話好薄但唔算厚，要有咁上下先包到咁多餡嘛。
原蝦燒賣皇燒賣都係兩隻一籠，又係勁大隻，比起一般茶樓起碼1.5倍大，有蝦，冬菇等，瘦肉肥肉比例剛好，咬落有肉汁。
銀羅脆皮腸好脆同好多蘿絲，腸粉滑口，可惜朋友十分重口味加得太多豉油搞到好鹹，哈哈，留返比佢啦。
足料珍珠雞又真係幾足料，鹹蛋黃，肉絲，冬菇等，飯有咬口仲有荷葉香，好食。
養顏紅棗糕最後黎個甜品先，好煙韌同好濃紅棗味，為呢一餐劃上完美句號。
點心有水準，大大碟又好味，但店不大加上即叫即蒸，繁忙時間都要等幾耐位，下午去較易有枱。
張貼
