山東餃子館 (已搬遷) 新店位置

落左成個星期雨,見今日終於停雨,緊係行遠少少搵野食,行左過去太子警署果邊,之前都聽過人講話好多野食,見到呢間山東餃子好似好吸引,就入黎試試,今日想食d香口野,就叫左煎雙拼餃,津白鮮肉餃同埋青素水餃,我自己本身都幾鍾意食餃子,尤其是菜肉餃,呢間d餃子即叫即煎,所以都要等一陣,不過都無所謂既,最緊要煎得好食！餃子煎得幾香脆,唔會好油,菜幾新鮮,連埋肉食好有咬口,唔錯👍🏻青素餃就專登叫黎中和番平時食煎餃既油膩感,估唔到都幾足料幾大隻,下午茶時段都係40蚊左右,幾抵食,可以再黎👍🏻