十一串

營業中

休息中

呢間串燒店：高質，性價比高，食材新鮮，所有串燒都係即叫即整，炸粉唔厚，調味適中，唔會話死用咸味去令件食物好似好惹味甘。 同樣食物如果去尖沙咀或者中環食，一定會貴好多，所以我覺得絕對值得回頭再食。二人行，叫左燒生蠔，鹽燒雞中翼，煙肉荔枝卷，腩肉露筍卷，椒鹽墨魚咀，木魚湯讚岐烏冬，雞皮蝦，原條蒜蓉燒茄子，鹽燒翠玉瓜串，食曬所有嘢都係320蚊！真係好抵！！原條蒜蓉燒茄子好大條，火喉掌握得幾好，唔會燒到乾晒，食落口creamy。我鐘意食蒜蓉，所以好鐘意呢個茄子。椒鹽墨魚咀炸得都好味，炸粉1啲都唔厚，少少咸咸地👍👍🤤🤤 味道火候都好！ 有好多粉，係椒鹽尤魚蘇啲friend雞皮蝦係好多人都推介嘅一樣食物，點可以唔試呢。 佢個配搭好創新。用燒到香脆嘅雞皮包住隻蝦。食落又唔油嫁喎，再加埋彈牙嘅蝦肉，呢度菜令我好驚喜，冇令我失望。