影片
更多
2022-05-27
1361 瀏覽
今日又去飲 #早茶，九點半就到😴 本來對依間酒樓冇乜好感，因為好耐之前員工態度惡劣，食物又一般，所以都冇期望。今日一去到，可能仲早，門口冇咨客自己直入搵位，其實之前有咨客都等如冇，因為佢都係叫你直入🙄坐底咗，店員走過來同我地講早晨，#好有禮貌 地開茶，真係抵讚👍 環境冇之前咁迫，可能疫情檯同檯冇咁近。早晨孖寶 $28.8，叫咗 #香麻流沙包 同 #山竹牛肉球，兩樣都唔錯。唔係有好多地方有黑芝麻流沙包食，值得一試♥反而佢話必食既奶黃流沙包 $10.8 一個，就比較一般，一來個包大個有點硬身，二來唔算好流沙。另外叫咗 #粟米咸骨粥 同 #藥膳雞腳，都係$16.8，都算 #抵食。粥底稀杰度適中，夠咸味。雞腳賣相一般，但夠淋，湯味道亦夠香。 想講吓叉燒腸，佢唔算好滑，亦唔係厚，係比較煙韌果種。茶錢$7，區內係算最平早茶時段到11點半完推介指數：6/10
今日一去到，可能仲早，門口冇咨客自己直入搵位，其實之前有咨客都等如冇，因為佢都係叫你直入🙄
坐底咗，店員走過來同我地講早晨，#好有禮貌 地開茶，真係抵讚👍 環境冇之前咁迫，可能疫情檯同檯冇咁近。
早晨孖寶 $28.8，叫咗 #香麻流沙包 同 #山竹牛肉球，兩樣都唔錯。唔係有好多地方有黑芝麻流沙包食，值得一試♥
反而佢話必食既奶黃流沙包 $10.8 一個，就比較一般，一來個包大個有點硬身，二來唔算好流沙。
另外叫咗 #粟米咸骨粥 同 #藥膳雞腳，都係$16.8，都算 #抵食。粥底稀杰度適中，夠咸味。雞腳賣相一般，但夠淋，湯味道亦夠香。
想講吓叉燒腸，佢唔算好滑，亦唔係厚，係比較煙韌果種。
茶錢$7，區內係算最平
早茶時段到11點半完
推介指數：6/10
張貼
