影片
更多
2023-05-11
83 瀏覽
早幾日食左d黎自印度既糕點手信，挑起我對印度菜嘅興趣😳於是上網揾咗呢間位於尖沙咀嘅印度餐廳，貪佢地點方便，收工同個friend去試下~🔸Lamb Rogan Josh + Garlic Naan🔸對唔食得辣嘅我黎講呢個咖哩稍辣，但羊肉軟腍唔韌～好惹味😋餐廳嘅Naan除左原味外，仲有多款味道選擇，好似蒜蓉、芝士、牛油等。上枱熱辣辣，外邊少許酥脆，餅皮煙煙韌韌咁口感唔錯👍🔸Butter Chicken🔸食印度菜必叫牛油雞🥘呢度嘅牛油雞偏甜，相對容易入口，雞肉份量好足，用Naan沾滿牛油雞醬汁同夾雞肉食～Perfect🤤🔸Chicken Quesadilla🔸墨西哥薄餅夾辣雞粒，可以配搭三款唔同醬料，分別有牛油果醬、酸忌廉同蕃茄甜椒醬✨我最鍾意牛油果醬，味道較為清新，至於蕃茄甜椒醬就有少少辣，不過酸酸辣辣咁既開胃又惹味，都好好食👍🔸Kesar Kulfi🔸印度藏紅花雪糕，口感超乎我想像😳有啲似咸蛋黃起沙咁，好特別！味道方面好獨特，感覺平時係街好少會食到🍨🔸Tiramisu🔸同朋友低估左個份量，估佢唔到咁大件🤣Tiramisu好軟滑，甜度剛好，唔會甜到漏，好抵食😆🔸Strawberry Moj
🔸Lamb Rogan Josh + Garlic Naan🔸對唔食得辣嘅我黎講呢個咖哩稍辣，但羊肉軟腍唔韌～好惹味😋
餐廳嘅Naan除左原味外，仲有多款味道選擇，好似蒜蓉、芝士、牛油等。上枱熱辣辣，外邊少許酥脆，餅皮煙煙韌韌咁口感唔錯👍
🔸Butter Chicken🔸
食印度菜必叫牛油雞🥘呢度嘅牛油雞偏甜，相對容易入口，雞肉份量好足，用Naan沾滿牛油雞醬汁同夾雞肉食～Perfect🤤
🔸Chicken Quesadilla🔸
墨西哥薄餅夾辣雞粒，可以配搭三款唔同醬料，分別有牛油果醬、酸忌廉同蕃茄甜椒醬✨我最鍾意牛油果醬，味道較為清新，至於蕃茄甜椒醬就有少少辣，不過酸酸辣辣咁既開胃又惹味，都好好食👍
🔸Kesar Kulfi🔸印度藏紅花雪糕，口感超乎我想像😳有啲似咸蛋黃起沙咁，好特別！味道方面好獨特，感覺平時係街好少會食到🍨
🔸Tiramisu🔸
同朋友低估左個份量，估佢唔到咁大件🤣Tiramisu好軟滑，甜度剛好，唔會甜到漏，好抵食😆
🔸Strawberry Mojito / Peppermint Tea🔸呢間餐廳有做埋Bar，有好多款Cocktails同Mocktails選擇，啱晒鐘意飲酒嘅朋友摸杯底🥂Strawberry Mojito好香草莓味，Mojito嘅清爽感用嚟清下d濃味口感都唔錯👍唔飲酒嘅都可以有養生嘅選擇，推介熱薄荷茶，有助消滯提神☕️
呢間餐廳空間夠大，座位寬闊，坐得舒服，好啱一大班朋友飯聚！下次如果多幾個朋友食飯飲野，可以再黎呢✨
張貼
