影片
更多
2024-09-11
2257 瀏覽
趁做節約埋家人一起食大餐。有人近排去過食自助晚餐話唔錯，今次就去食自助午餐。中午12點開始，早咗10分鐘到達已經排長龍等入去，大概5分鐘前放行入去坐，唔洗排排企，只係攞食物要等12點後，服務唔錯，地方也清潔。冷盆都算多有5款，蟹腳、龍蝦鉗、螺、青口、蝦，如果加添有蠔更妙極。日式冷盆有三文魚、鮑片（或者係螺片）、墨魚、Tuna魚，壽司等。除咗蟹腳例牌鹹D之外，青口、螺、蝦都幾爽，三文魚都唔錯，墨魚就比較靭及難咬開。另一特式係龍蝦喇沙米粉或麵，湯底唔太鹹唔太酸辣，略為改善喺龍蝦肉比較淡（可能係白水煮過），但有蝦膏，配喇沙湯唔錯。沙律🥗必定有。熱葷菜都有少不了的牛扒，印度咖喱汁配蝦片唔錯。又有龍躉但稍為落多D鹽鹹咗少少，炸魚柳，燒肉都幾好味。salami及巴拿馬火腿就一般，芝士少選擇。甜點款式都多款，有peach tart，芝士蛋糕、cookies、焦糖布甸等，當然有Gelato雪糕，仲有時興的榴連味雪糕，朱古力雪糕就好味又有格仔餅，朱古力fountain、糖果等，應該細路仔一定好開心。生果必有西瓜🍉菠蘿🍍蜜瓜🍈哈蜜瓜🍈。自助咖啡機，檸檬茶🍋任飲，奇怪的是汽水、橙汁之類沒有自助任飲機，只提供
整體來說，食物唔錯，服務OK，地方乾淨，沒有環境，因為係一個封閉場地（沒有窗的室內）。
張貼
