明明館

營業中

休息中

係呢頭附近返工，日日都唔知食乜好，於是就開openrice look look, 見到呢間明明館新開嘅， 就同幾個同事去試新野啦， 正值中午飯市都有位， 都掙扎緊入唔入去， 同事話反正都黎到就入去試試啦，好彩有入去食，個南乳豬扒菜飯超好味道，豬扒好juicy 好入味，菜飯裡面除咗有菜，仲有蝦米冬菇，好好味，老闆話用上3款蝦米，不得不讚佢地個南乳雞翼又是超水準之作，仲有試咗個雞絲粉皮，粉皮好“烟un ",原來係日本粉皮，加埋個醬汁，真係好食到不得了，老闆好细心，有自家制涼茶，跟餐都只加$4，其實仲有好多野想食，但好飽，留待下次，D野食真係好掂，以後多個好選擇啦，因為有麵有飯，又多小食，我見隔離枱食豬手豬軟骨麵，我下次都要食呀老闆應該多做宣傳，位置係街頭，所以好多打工仔OL都晤知有呢間新店