B‧B 海景餐廳

營業中

休息中

風和日麗既星期天，最適合去離島走走吸下新鮮空氣，順便遠離一下石屎森林。南丫島係一個幾寧靜又同巿區比較便捷既地方，坐船不用30分鐘就到，岩晒兩支公又或者家庭式郊遊。行完沙灘折返碼頭附近一帶食肆，隨意揾間小店打躉順便醫下臟腑。呢度既週日午餐供應至四時，另同場有下午茶選擇，都幾彈性價錢合理。我地選擇左坐outdoor，陣陣海風迎面吹送又偶爾聽到海浪聲，食野都有mood好多。睇完menu我地點一份午餐選漢堡魚柳配薯條，另一份就係下午茶餐肉醬意粉。肉醬意粉唔可以製作得多精巧，肉醬濃香帶甜不太酸，用上新鲜蕃茄蓉及芝士，每口意粉均掛上香噴噴既醬汁，好快就吃清碟。午餐既魚柳漢堡跟餐湯，羅宋湯味道輕度酸多雜菜，十分開胃。再跟一片厚身蒜蓉脆多士伴湯，認真滋味。薯條輕炸不油膩，金黄外衣入口香脆。主角既魚柳漢堡係有驚喜，夾層既魚柳炸至脆卜卜下刀感覺頗鬆軟，加入大片鲜蕃茄肉及沙律菜及軟身芝士片，一大啖放入口直頭係大滿足，切開兩份跟太太分享滋味。最後緊係黎返杯熱咖啡，就這樣經已簡簡單單消磨一個悠閑下午，有機會下次再來做訪。