B‧B 海景餐廳

營業中

休息中

放假想遠離一下城市 所以决定去南丫島輕鬆悠閒地過一日 但由於太耐冇去 我地搭完船去索罟灣先發現 呢度得海鮮 冇咩地方閒逛休息 於是就唯有行山去榕樹灣 就係榕樹灣大街見到呢間餐廳啦💁🏻‍♀️本身我地打算坐露天位 吹住海風食野 好有feel咁 但係因為行完山好熱 個日天氣又好曬 最後都唯有坐返室內 但如果天氣唔錯既說應該都會好舒服！但室内環境都唔錯 可能又因爲冇咩人我地行完山都晏 所以黎到就已經食下午茶餐 因為見到有枱淨左成碟意粉冇食就走左 所以冇嗌意粉 叫左其他兩個set 兩個都有跟餐野飲既第一個係fish and chips 魚有兩塊 都幾大塊 又唔會話太重炸粉 魚肉都重係滑既 薯條份量都算多💁🏻‍♀️第二個係西多士 佢一共有四個小磚 我中意咁樣多過一大塊 雖然肥啲 但會香啲💁🏻‍♀️佢係有三塊包 𥚃面有兩層花生醬 啖啖都有好多花生醬 唔錯💁🏻‍♀️可能因為下午茶食 所以價錢都ok 冇話好貴💁🏻‍♀️