Bistro Bloom

營業中

休息中

已經不記得有幾耐無來過朗豪坊13樓食飯，這天七時多來到，天幕暗暗暗地在這層飲野食飯都好有氣氛。這間餐廳有半自助晚餐食又不太貴，同朋友來一過盡興的晚餐。半自助餐有凍海鮮、沙律、芝士、湯、甜品等，細看餐巾才發現是mr. Steak 其下集團。海鮮要點配醬汁食，沙律有好多款式，芝士有兩款，旁邊有scone 同餅乾。最欣賞是甜品，有好多款式而且不會太甜，有大大塊啫喱，跟mr.steak 其他餐廳相近。極黑和牛板腱扒 | $348見到餐牌的溶岩芝士已經覺得好吸引，價錢包半自助餐，真係好抵！芝士用爐暖著，上枱時由侍應把半溶芝士刮到牛扒上，見到都興奮。牛扒切成一塊塊，肉質軟腍，不過芝士快凍，一凍便沒有了拉絲效果。跟餐飲有杯白酒或紅酒，紅酒都易入口。爐燒嫩滑春雞 | $275食完沙律吧其實都飽飽地，再食主菜春雞，份量好大。燒汁不會太鹹，配菜有羽衣甘藍都比較少見。收碟好快，服務不錯。