影片
更多
2022-02-01
990 瀏覽
今次staycation地點係六星級酒店半島酒店，大年初一前夕入住包一晚Grand Deluxe Room同雙人大堂茶座早餐價錢$2378.6，價錢唔貴。另外再加錢升級套房。因爲我哋住套房，所以決定叫客房餐飲早餐，而唔去大堂茶座食，不過食物好似一樣。客房餐飲早餐有3款，分別係：歐陸式早餐 $355 另加一中式早餐 $405 另加一半島早餐 $405 另加一之前試過room service嘅中式早餐，麻麻哋，所以今次只係食西式，當然要半島早餐。半島早餐包：自選果汁或蔬菜汁（有蘋果，甘筍，西柚，番石榴，蜜瓜，橙，熱情果，菠蘿，或是日果汁）或新鮮時果自選早餐麥片配熱或凍全脂，脫脂，高鈣奶或有機豆奶煎雞蛋兩隻（自選煮法）配燒薯及煙肉或蜜味火腿，自家製香草雞肉腸，牛肉腸或豬肉腸或窩夫配甜忌廉，雜莓及糖漿或法式多士配燴蘋果，雜莓及糖漿自選麵包或多士配牛油，人造牛油或花生醬及果醬，蜂蜜或橘子醬香濃咖啡，鮮奶咖啡，意式泡沫咖啡或茶早一晚就預早落order，要第二朝9點食，差唔多時間一位服務員就推住餐車入房，佢可以留低架餐車比我哋或者幫我哋放啲野食喺餐枱，我哋當然揀左後者。服務員態度當然非常好，上餐會連
客房餐飲早餐有3款，分別係：
歐陸式早餐 $355 另加一
中式早餐 $405 另加一
半島早餐 $405 另加一
之前試過room service嘅中式早餐，麻麻哋，所以今次只係食西式，當然要半島早餐。
半島早餐包：
自選果汁或蔬菜汁（有蘋果，甘筍，西柚，番石榴，蜜瓜，橙，熱情果，菠蘿，或是日果汁）或新鮮時果
自選早餐麥片配熱或凍全脂，脫脂，高鈣奶或有機豆奶
煎雞蛋兩隻（自選煮法）配燒薯及煙肉或蜜味火腿，自家製香草雞肉腸，牛肉腸或豬肉腸
或窩夫配甜忌廉，雜莓及糖漿
或法式多士配燴蘋果，雜莓及糖漿
自選麵包或多士配牛油，人造牛油或花生醬及果醬，蜂蜜或橘子醬
香濃咖啡，鮮奶咖啡，意式泡沫咖啡或茶
早一晚就預早落order，要第二朝9點食，差唔多時間一位服務員就推住餐車入房，佢可以留低架餐車比我哋或者幫我哋放啲野食喺餐枱，我哋當然揀左後者。服務員態度當然非常好，上餐會連埋枱花一齊上，當然餐巾刀叉唔少得。衛生情況抵讚，牛油都用紙蓋蓋好。
煎雞蛋我地都揀左賓尼迪雞蛋。賓尼迪雞蛋一客兩件，配兩粒車厘茄，幾條豆角同兩舊仔焗薯。賓尼迪雞蛋係麵包上面一塊火腿，上面就係賓尼迪雞蛋再加少少醬汁。雞蛋超多蛋汁，漏汁漏到我成面都係。不過個醬汁唔夠好味，下底塊包又唔脆。好麻麻。車厘茄同豆角正常。焗薯非常普通又細舊，只係加左少少香草但係又無味。
賓尼迪雞蛋
10 瀏覽
0 讚好
0 留言
好後悔叫左呢款唔記得左個名既自選早餐麥片，好麻麻，唔脆又寡。
自選早餐麥片
7 瀏覽
0 讚好
0 留言
Granola就好脆又有果乾同堅果，好好食，唔洗加奶就咁食仲正。
Granola
8 瀏覽
0 讚好
0 留言
我哋叫左熱有機豆奶，另上用保鮮紙包好，豆味好濃，我個人唔太鍾意。
麵包籃有6款：牛油軟包 ，提子包，蘋果丹麥包，朱古力酥，紅桑子酥，同砂糖果醬鬆餅。麵包唔暖，質素普通。朱古力酥非常少朱古力同偏硬。蘋果丹麥包就爆餡。紅桑子酥都算酥脆。砂糖果醬鬆餅就有粒粒脆口砂糖係表面而入面有果醬，超邪惡！獨立小瓶裝果醬有三款口味，包括紅桑子，士多啤梨，橘子醬。另有蜜糖。連茄汁都有細瓶裝。
麵包籃
18 瀏覽
0 讚好
0 留言
西柚汁好酸，其實我叫左番石榴汁。熱情果汁偏酸。早知叫水果。
咖啡茶叫左凍朱古力加脱脂奶，非常淡。
總括而言，一如所料，唔好期望食物好食，冇法啦，始終係送餐服務。不過喺套房食room service令到個體驗升級，可以着住浴袍同望住維港景色食早餐。
張貼
