影片
更多
2012-04-01
28 瀏覽
添好運點心專門店由做過六星級四季酒店龍景軒點心部主管o既麥桂培創立,佢先o係旺角開設點心專門店,創業唔夠一年就獲得米芝蓮評為一星級食肆,之後再o係深水埗開分店,亦都獲得米芝蓮一星級榮譽,成為全球最廉宜o既星級食府添好運點心專門店o既成功,令到市面上有一股點心專門店o既熱潮中環分店位於港鐵香港站,開左唔夠半年,曾於2011年11月獲得 OpenRice 每月好評餐廳十強,中環分店係添好運點心專門店三間舖之中評分最高港鐵香港站有好多間食肆,只有呢間點心專門店成日都排晒長龍我地o個晚去完竹源越南餐廳食完越式套餐後, 8pm 前黎到添好運,拎左籌等大約十分鐘就可以入坐位於甲級寫字樓商場o既中環分店,食物價錢係會貴o的,每樣點心大約貴兩,三蚊 雖然價錢貴過另外兩間位於九龍o既分店,不過相對中環區o既其他食肆,呢間點心專門店o既收費絕對有競爭力呢間點心店免收加一服務費,不過大家要搭枱坐佢地只供應普洱茶,每位茶錢 $3,茶壺放o係枱上,大家自行添飲 豉油、喼汁、辣椒油及辣椒醬多款調味料都係由客人自行添加早前o係網站買左 coupon,一張 coupon 可以用$60 買價值$120 添好運點心專門店
添好運點心專門店o既成功,令到市面上有一股點心專門店o既熱潮
中環分店位於港鐵香港站,開左唔夠半年,曾於2011年11月獲得 OpenRice 每月好評餐廳十強,中環分店係添好運點心專門店三間舖之中評分最高
港鐵香港站有好多間食肆,只有呢間點心專門店成日都排晒長龍
我地o個晚去完竹源越南餐廳食完越式套餐後, 8pm 前黎到添好運,拎左籌等大約十分鐘就可以入坐位於甲級寫字樓商場o既中環分店,食物價錢係會貴o的,每樣點心大約貴兩,三蚊 雖然價錢貴過另外兩間位於九龍o既分店,不過相對中環區o既其他食肆,呢間點心專門店o既收費絕對有競爭力
呢間點心店免收加一服務費,不過大家要搭枱坐
佢地只供應普洱茶,每位茶錢 $3,茶壺放o係枱上,大家自行添飲 豉油、喼汁、辣椒油及辣椒醬多款調味料都係由客人自行添加
早前o係網站買左 coupon,一張 coupon 可以用$60 買價值$120 添好運點心專門店o既食品
客人拎籌等位o既時候,要選定食乜野點心,有位時就交張點心紙俾店員入單,之後點心好快就送黎
我地總共叫左七款點心,包括晶瑩鮮蝦餃 $22, 陳皮牛肉球 $14, 酥皮焗叉燒包 $18, 煎臘味蘿蔔糕 $14, 煎釀虎皮尖椒 $14, 黃沙豬膶腸 $20 及杞子桂花糕 $12
晶瑩鮮蝦餃 $22呢款係餐墊紙推介點心,餃皮幾晶瑩,摺皮清楚分明,個皮相當煙韌,唔黏牙
裡面o的肉好紮實,鮮蝦爽口鮮甜
皮薄餡靚,冇夾雜肥豬肉
陳皮牛肉球 $14呢款係餐墊紙推介點心,有陳皮味,牛肉鲜嫩,好腍同埋夠味
酥皮焗叉燒包 $18呢款除左係餐墊紙推介點心,仲係添好運最著名o既點心,水準高,差不多每枱都點
一碟有三件,有o的似鮮奶球,個酥皮幾特別,包身軟熟
叉燒唔會太肥,蜜汁甜度剛好
煎臘味蘿蔔糕 $14呢款係餐墊紙推介點心,一碟有三件,有幾多蘿蔔絲,用左臘腸粒同埋蝦米
糕身鬆軟,厚身而且香甜
煎釀虎皮尖椒 $14外型幾靚,青椒長長
魚肉夠多又彈牙,食落有少少辣
黃沙豬膶腸 $20呢款係餐墊紙推介點心,腸粉皮拉得夠薄,好滑
用左幾多豬膶,起晒沙,豬膶味濃,冇腥味,有o的薑味添!
杞子桂花糕 $12呢款係餐墊紙推介點心,外表整得幾靚,杞子同埋桂花落得夠多
桂花味幾清香,甜度適中
七款點心再加埋兩個人o既茶錢係剛好$120,用左 coupon 後即係兩人只需$60 就食到咁多款點心
今餐真係好抵食,每人$30 就可以品嚐米芝蓮一星級食肆o既七款點心
呢間點心專門店即叫即蒸,師傅用心製作,價錢公道,值得向各位推介
中環有咁平靚正o既選擇,本人日後有機會再去試下其他點心
張貼
