唐宮小聚 (The L. Place)

營業中

休息中

同事請食Lunch，Thanks~!近近地去左唐宮小聚食，講起來都好耐冇食唐宮小聚了。沙田乳鴿，必食之一，乳鴿鴿皮脆肉嫩，香口好味。海鮮灌湯包，原個的灌湯包，有絲瓜、冬菇、海鮮及豬肉等，餡料十足幾好味。挪威煙燻三文魚脆粢飯，煙燻三文魚有份量，味道鹹香口感軟腍，粢飯口感煙靭，配上芥末醬增添味道。手抓肉鬆煎餅，都幾大件，口感外酥脆內煙韌又香口不油膩，內餡有肉鬆及蔥花，味道鹹鹹甜甜，口感豐富。乾燒大蝦，蝦好大隻，爽口鮮味，配合醬汁味道酸酸甜甜少許辣幾醒胃。食物味道不俗，保持水準，Thanks同事請食飯同開解我呀~!中環皇后大道中139號 The L. Place 2樓