Cafeholic

營業中

休息中

間中都會同同事嚟食西式午餐，貪呢度好坐，食物都唔錯。今日嚟到見到午餐餐牌，同之前唔同嘅係，午市都要收加一了，即係變相加價一成咁而家百物騰貴，我都明，惟有叫最平嘅L1餐，正價$68。今日係野菌雞肉腸扁意粉。其實呢度啲意粉係整得唔錯，比茶記嗰啲意粉餐係高一個檔次。另外即磨咖啡都幾香。開始收加一，就送返少少coupon，我哋三個人各叫一個午餐，佢送咗兩張惠顧$50可用嘅$8現金券，即係下次有兩個人可免加一咁上下，點計都唔化算。第日恐怕會少啲嚟食了，因為我哋小市民真係唔係好捨得日日花七八十蚊食晏。