哈豆

營業中

休息中

台灣菜都係lunch time 熱門既選擇。 一個人獨食又得，四至五個同事一齊食或者share都OK，而且價錢都唔算太貴！觀塘台灣嘢食我會諗起龍鳳號、阿元來了、小時光、哈豆！ 哈豆午餐價位50-60， 連飲品。 同呢幾間比較都算係正常， 唉而家係觀塘茶記食晏最平都係呢d價位。 裝修舒適，洗手間都乾淨。 服務以自助為主， 自己寫好張紙就拎去俾錢。 牛肉湯香濃，花枝丸夠彈牙，豬軟骨同牛肉好淋，推介我一向都唔太食得辣， 都譚仔都要點5小辣😂 所以呢個麵對我黎講都幾辣。 主要係肉燥加少少麻醬加辣， 朋友都覺得個麵軟硬度OK , 不過乾身返d會更好。 飲品可以選擇甜度/少冰， 都唔錯總結來講：想喺觀塘晏晝 搵間午餐抵食d既，呢間都係我推介之一。