明新鐵板咖哩皇

營業中

休息中

本來約咗個friend食早餐，點知遲咗起身，咁就唯有叫午餐啦！唔食肉丁麵咪食飯囉！一坐低阿姐已經放低左碗例湯，味道好甜，因為係送嘅所以冇要求。跟住先至睇餐牌，午餐40幾蚊真係好抵食，但就好搞笑已經跟咗日子編排好晒！係茶餐廳最穩陣都係食焗飯，所以我就叫咗個先茄芝士豬扒焗飯 $42 only. 今日有驚喜喎！真係有幾粒鮮番茄，好鍾意面頭有隻荷包蛋，芝士味就唔係好覺，但塊炸豬扒都OK，加埋個飯有蛋炒底，雖然得好少蛋，都算有誠意啦！朋友就叫咗咖喱汁鴛鴦扒飯。最後餐茶要熱奶茶，質素就一般啦！奶茶唔夠滑。埋單唔使＄100仲有卡位坐