牛知己 (已結業)

午餐及晚餐都光顧過，午餐食定食，醬油味韓式炸雞配水冷麵56元及1++韓牛牛肋骨湯配飯98元，汽水、啤酒、咖啡、泡菜、外脆內軟番薯仔、乳酪雪糕、花生味雪糕... 自取形式，任飲任食，食物及飲料都正，有5星。火鍋叫左每位198元美國極選牛+海鮮放題，食90分鐘，60分鐘就截單，同午市一樣，自取放在吧枱的任飲任食食品，多左炒飯及年糕，但是炸薯條及番薯仔，好明顯是午市放到晚上，已經全部潮晒，都是淋的，又比人簡到爛晒，到晚上七點都冇炸出新薯條及番薯，冇換過，肉類只叫左一轉，頭轉質數任何食店都是好的，如果只是食牛肉及飲啤酒，來牛知己就最好。火鍋我只能比2星。對本人而言，午餐較適合我。