一葉小廚 (已結業)

同事生日，出左黎祥華邨的一葉食飯，午市好多人，等左15分鐘先有枱，店員明白午飯時間短，一早落定單，有枱就即刻上菜超有效率。一人叫一份午餐，自己要左份鹽酥雞扒配滷肉飯，包埋餐飲都係$52，今時今日呢個價位已經算係好抵食，至少夠大份夠飽肚。凍蜂蜜紅茶同事話試過加錢要珍珠奶茶，但味道不行，咁就乖乖地要返普通的台飲蜂蜜紅茶算了，無冰唔夠凍外，微甜茶香都ok嘅。肉燥飯細細碗但都好飽肚的，珍珠米軟綿有飯香，滷肉半肥瘦夠入味，加埋流心蛋好正。鹽酥雞扒超大份的雞扒，炸粉好厚好脆，雞肉幾滑，飽肚之選。仲有調味粉可以落，重口味嘅我就三款都加晒，個人鍾意海苔味。台灣腸（$21）豪一下叫埋小食，小食價錢就偏貴啦，21蚊得一條腸薄切，甜甜地係幾好味嘅。煎餃子（$19）仲叫左餃子，呢樣又係麻麻地，餡料唔鮮味，又細隻又凍，唔抵食。總括黎講，午餐好味又抵，小食偏貴味道一般，口痕可以叫下，但唔推介。