影片
更多
2011-12-01
428 瀏覽
有啲嘢要拎返比親戚，所以走了去長沙灣保安道一帶，想起親戚話保安道市政大廈（即係街市上面）熟食中心有檔好抵食嘅茶餐廳，就上去睇個究竟。市政大廈內嘅熟食中心環境唔使我多形容，大家大概都知，依家嘅熟食中心環境好好多，無話污糟躐蹋，仲鋪晒地磚，乾淨企理，光猛明亮。一出電梯，就一眼睇晒成個場，因為檔口唔多，兩間茶記，一間小炒，一間食日本嘢，但客人就唔少喎。而親戚口講介紹嘅叫「開心茶餐廳」，係晌最入面嗰間，相對人氣較細，唔知係咪位置輸蝕咗。牆上貼咗好多推介，有經濟客飯套餐，有蒸餸套餐，仲有午市特價快餐、各式炒粉飯麵，都食廿零蚊就有交易，真係開心價。最後，我揀咗「開心快餐」，依日有三款：茄汁豬扒意、菠蘿排骨飯、乾炒肉片麵，包例湯或熱飲，都係賣$20。我要咗菠蘿排骨飯，碟頭飯，份量唔細，仲係睇住老細即炒添，因為一眼望入去就係個廚房位。排骨唔肥，肉質鬆軟，配料有菠蘿、又有青椒，一啲都唔行貨。本來我就跟餐叫咗奶茶，但疑似事頭婆嘅阿姐就醒多碗霸王花例湯過我，話飯市都差唔多完，都應該無乜人架啦，真係識趣喎，望佢生意長做長有，越做越好啦。碟飯唔差，又私人醒咗碗例湯，奶茶都OK喎，幾香茶味，仲要只係廿雞，你仲想點
市政大廈內嘅熟食中心環境唔使我多形容，大家大概都知，依家嘅熟食中心環境好好多，無話污糟躐蹋，仲鋪晒地磚，乾淨企理，光猛明亮。一出電梯，就一眼睇晒成個場，因為檔口唔多，兩間茶記，一間小炒，一間食日本嘢，但客人就唔少喎。而親戚口講介紹嘅叫「開心茶餐廳」，係晌最入面嗰間，相對人氣較細，唔知係咪位置輸蝕咗。
牆上貼咗好多推介，有經濟客飯套餐，有蒸餸套餐，仲有午市特價快餐、各式炒粉飯麵，都食廿零蚊就有交易，真係開心價。最後，我揀咗「開心快餐」，依日有三款：茄汁豬扒意、菠蘿排骨飯、乾炒肉片麵，包例湯或熱飲，都係賣$20。
我要咗菠蘿排骨飯，碟頭飯，份量唔細，仲係睇住老細即炒添，因為一眼望入去就係個廚房位。排骨唔肥，肉質鬆軟，配料有菠蘿、又有青椒，一啲都唔行貨。本來我就跟餐叫咗奶茶，但疑似事頭婆嘅阿姐就醒多碗霸王花例湯過我，話飯市都差唔多完，都應該無乜人架啦，真係識趣喎，望佢生意長做長有，越做越好啦。碟飯唔差，又私人醒咗碗例湯，奶茶都OK喎，幾香茶味，仲要只係廿雞，你仲想點？過開嚟都會再幫襯！
張貼
