Pane e Latte

營業中

休息中

今日早咗喺港島放工，又就嚟放長假，於是就約咗朋友入去赤柱。其實之前都已經經過呢一間Cafe好多次，不過因為次次都係假日過去，所以好多人，今日平日人少少，就入去食吓佢哋嘅菜式。今日佢哋原來有新Menu登場，係90分鐘無限量供應澳洲西冷，而佢呢一個set仲會有埋甜品可以選擇，分別係Tiramisu或者兩球雪糕。我哋每人都嗌咗一份三成熟嘅牛扒，熟到同我哋嗌嘅相符，唔會過硬亦都唔會過生，而且味道都相當唔錯。除此之外，個沙律加埋黑醋，味道相當開胃。最驚喜係佢嘅薯條，口感剛剛好，而且熱辣辣，非常好味。飲品方面，我叫咗一個玫瑰latte，味道相當濃郁嘅玫瑰味，加上牛奶嘅混和，味道相當香濃，喺冬天嘅天氣之下，絕對係能夠暖笠笠。除此之外，我哋亦都叫咗個開心果牛角包，面頭有開心果碎，中間加上吉士粉，賣相同味道都相當唔錯，今次仲試埋佢嘅薑味latte，作為冬日飲品之選，飲完之後個胃都覺得暖笠笠。